Ola! Empregamos cookies propias e de terceiros para analizar o uso deste web e mellorar a túa experiencia de navegación. Ao continuar navegando entendemos que aceptas a nosa política de cookies.

   Saber máis - Aceptar.
Menú
X

ALDEAS LIBRES

Aldeas Libres de Macroéolicos nace da necesidade de parar o macroparque eólico proxectado nas comarcas de Ordes e Curtis. Un proxecto que ameaza multitude de aldeas cheas de vida con 36 macroeólicos de 200 metros de altura cada un, 3 subestacións eléctricas e unha liña de alta tensión que atravesaría todo o territorio.

Parqués eólicos

"36 macroeólicos de 200m en medio das aldeas de Ordes e Mesía”

A versión oficial fala de catro parques diferentes (Solpor, San Bartolomeu, Gasalla e Legre) pero pola súa proximidade e porque os efectos nos afectan no seu conxunto, en realidade conforman un só macroparque en mans de empresas estranxeiras que pagan impostos fóra do noso país.

Fragmentando o proxecto en catro obvianse as consecuencias reais na zona e deste xeito os informes de impacto ambiental emitidos quedan desvirtuados.

O macroparque ubícase dentro da Reserva da Biosfera Mariñas Coruñesas e Terras do Mandeo e tamén no transcurso do Camiño Inglés polo seu paso pola comarca de Ordes. Parte do parque situarase nunha zona declarada para formar parte da Rede Natura 2000 coa consideración de Zona de Especial Protección dos Valores Naturais (ZEPVN).

O Plan Eólico do 2002 recolle que a distancia mínima dos eólicos a respecto das casas debera ser de 500 metros. Esta norma está desfasada e non contempla os cambios técnicos dos aeroxeradores en altura e potencia dos últimos anos. Concretamente os tipo VESTAS V136, macroeólicos que se usarían neste proxecto, miden 200 metros de altura. Deste xeito, os 500 metros fanse claramente insufientes e os efectos negativos sobre as nosas aldeas son maiores:

Galicia xa produce máis enerxía da que consome e este macroparque só nos fará máis pobres. As conscuencias son tan negativas que as nosas aldeas poden chegar á súa fin. 

Sabemos que a enerxía renovable é o futuro, pero tamén o son as aldeas que son conservadoras activas do medio e da nosa cultura.

Queremos aldeas libres de macroeólicos!

 Axúdanos a defender o noso rural e mantelo vivo, asina contra o macroparque eólico Ordes-Curtis en Change.org e colabora.

Como sería vivir no medio destes macroeólicos?

RUÍDO insoportable e constante que provoca nas persoas problemas cardíacos e alteteración no sistema nervioso (estrés crónico, insomnio…). Os infrasóns emitidos polas turbinas tamén afecta negativamente ao gando.
INTERFERENCIAS que dificultan o funcionamento dos sistemas de telecomunicación (móbil, televisión…) da radionavegación aérea e dos radares.
EFECTO DISCOTECA das sombras das aspas en movemento que caen enriba das casas ocasionando un efecto moi molesto.
ACCIDENTES polo desprendemento de pezas. No inverno as aspas poden acumular xeo e lanzalo a varios quilómetros de distancia.
PERDA DE VALOR dun 30% das casas e terreos ubicadas ata 3km do parque.
INVASIÓN do espazo forestal e agrario queda dependente do macroparque por 30 anos prorrogables. Necesitan moito espazo para para todos os elementos do macroparque.
IMPACTO NA PAISAXE convertida en polígono industrial. Tanto o benestar que nos dá a paisaxe como a propia economía e experiencia do Camiño de Santiago veranse gravemente afectados.
RURAL DESPOBOADO. Quen quererá vivir cerca dun parque eólico? Estas instalacións farannos perder o benestar do rural: o silencio, a tranquilidade, a paisaxe… A perda de poboación ano a ano irá minguando a economía dos comercios locais.

 

O camiño de Santiago Inglés: un grave afectado

Camiño de Santiago

 

O camiño de Santiago Inglés forma parte do patrimonio cultural de Galicia e por el pasan ao ano máis de 15.000 peregrinos. O impacto do macroparque eólico sobre o camiño é brutal, pois durante máis de 7km os peregrinos avanzarán entre macroeólicos de 200m de altura, algúns deles a apenas uns metros, sentíndose en un  pleno parque industrial. Ao longo de 40km os macroeólicos seguirán estando moi próximos co impacto visual e sonoro que iso convela.

Que peregrino quererá facer o camiño? Sen dúbida este macroparque pon en grave perigo o futuro do camiño e da riqueza cultural e económica que xera.

 

Galicia xa produce máis enerxía da que consome e este macroparque só nos fará máis pobres. As conscuencias son tan negativas que as nosas aldeas poden chegar á súa fin. 

Sabemos que a enerxía renovable é o futuro, pero tamén o son as aldeas que son conservadoras activas do medio e da nosa cultura.

Axúdanos a defender o noso rural e mantelo vivo, asina contra o macroparque eólico Ordes-Curtis en Change.org e colabora.

 

Enerxías renovables SI, macroeólicos nas aldeas NON